Босануға және өмір сүруге арналған 4 жаттығу

Босануға және өмір сүруге арналған 4 жаттығу

Elaine Zwelling

27.05.2014

Жүктілерге арналған курста алынған дағдылар босану кезінде көмектесіп қана қоймай, бала дүниеге келгеннен кейін кәдімгі тұрмыста да керек болады.
Бұл білім Сізге баланы рахаттана отырып емізуге, ана болу ісінде тыныштық сақтауға, эмоционалдық және физикалық күйзелістерден оңай шығуға көмектеседі.
Әрине, Сіздің бірінші міндетіңіз – босануды барынша басқара алатындай ету. Бұған Сізге жаңа тәсілдер көмекші болады. Толғақтарды жеңілдетудің қарапайым тәсілдерін үйренесіз не болмаса көптеген дәрілер мен эпидуралдық анестеизияны қабылдауды шегіндіріп қоюға болатынын немесе мүлдем онсыз босануға болатынын білесіз. Ол болса босануыңыз бен бөпеңізге де пайдалы болмақ.
Босану кезінде көмектесетін төменде аталған жаттығулар туғаннан кейін де керек болуы мүмкін.
1. Жамбасты көтеру
Босану үшін пайдасы: жамбасты көтеру балаға алдыңғы позицияда – шүйдесімен анасының ішіне қарай, бетімен жамбасқа қарай қозғалуға көмектеседі және босану кезінде арқаның ауруын жеңілдетеді.
Жалпы өмір үшін пайдасы: арқаның ауруын басып, іштің бұлшықеттерін созады және сымбаттылықты жақсартады.
Не істеу керек:
Жамбасты кез-келген қалыпта көтеруге болады, бірақ ең оңай тәсіл – арқамен жатып көтеру. Жаттығу аяқталғаннан кейін төменгі жайылма тамырға қысым түспес үшін (әйтпесе бұл оттегінің келуін төмендетіп, бас айналуды сезіндіруі мүмкін) арқадан бүйірге қарай аунап жатыңыз.
1. Арқамен жатып, аяғыңызды жинап, өкшеңізді жерге қойыңыз.
2. Жамбасыңызды бетіңізге қарай бағытта тартыңыз, іштің және құйрықтың бұлшықеттерін қысыңыз (беліңіз еденге тығыз жанасып жатуы керек).
3. Жамбасты бастапқы күйге келтіріңіз және арқаңызды ептеп көтеріп, бұлшықеттерді босатыңыз.
4. Жамбасыңызды 10 реттен көтеріп, екі немесе үш рет қайталап, жаттығыңыз.

2. Денені ұзақ уақыт бос ұстаңыз
Босану үшін пайдасы: осы "өз денеңізге саяхат жасау" толғақ арасында денені бос ұстауға және түйіліп ауруды азайтуға көмектеседі.
Жалпы өмір үшін пайдасы: кез-келген уақытта шаршағаныңызды сезінген кезде денені босаңсытуға болады.
Не істеу керек:
1. Ыңғайлы қалыпты қабылдаңыз – еденге жатыңыз не болмаса жайлы креслоға отырыңыз.
2. Көзіңізді жұмып, екі рет ауаны тереңінен ішке тартып, шығарыңыз. Емдік қасиеті бар ауаны жұтып жатырмын, ал демді шығарған кезде шаршауды да шығарып жатырмын деп ойлаңыз.
3. Жоғарыдан төмен қарай, денеңіздің барлық ірі бұлшықеттерін қысып, босатып, баяу тыныс алуды жалғастырыңыз.
4. Бес секундқа бетіңіздің бұлшықеттерін қысып ұстап, босатыңыз.
5. Екі иығыңызды құлағыңызға жеткізіп, бес секундқа қатып қалыңыз да, сосын жіберіңіз.
6. Қолдың бұлшықеттерін қысып, жұдырық түйіп, қатып қалыңыз, сосын жіберіңіз.
7. Іштің бұлшықеттерін қатты қысып, қатып қалыңыз, сосын жіберіңіз.
8. Аяқтың бұлшықеттерін қатты қысып, қатып қалыңыз, сосын жіберіңіз.
9. Ең соңында екі рет ұзағынан мұрын арқылы дем тартып, ауыз арқылы шығарып тыныс алыңыз да, көзіңізді ашыңыз.
10. Аяғыңыз бен қолдарыңыздың бастары ауырлап, денеңіз бос күйде болуы тиіс.

3. Көзге елестету:
Босану үшін пайдасы: көзге елестету – ойыңызда құрылған бейне толғақ кезінде және оның аралығында тыныштық сақтауға көмектеседі.
Жалпы өмір үшін пайдасы: күйзеліс кезінде тыныштық береді.
Қалай істеу керек:
1. Көзіңізді жұмып, көз алдыңызға сүйікті жеріңізді елестетіңіз
2. Көру, есту және иіс сезу қабілетін іске қосып, елеске бой беріңіз.
3. Сүйікті жеріңіздің сұлулығы мен тыныштығын ойша елестетіп, барынша ұзақ тамашалауға тырысыңыз.

4. Баяулатылған тыныс алу
Босану үшін пайдасы: бойыңызды бос ұстауға және толғақ кезінде ойыңызды жинақтауға көмектеседі.
Жалпы өмір үшін пайдасы: күйзеліс кезінде немесе ашуланып тұрғаныңызда іштен ашуды шығаруға көмектеседі.
Не істеу керек: денеңізді бос ұстап, назарыңызды қандай да бір нәрсеге жинақтаңыз. Мысалы, қасыңыздағы бір нәрсеге немесе біреуге қараңыз, болмаса көзіңізді жұмып, қандай да бір әдемі нәрсені елестетіңіз.
2. Демді мұрын арқылы алып, ауыз арқылы шығарыңыз.
3. Демді мұрын арқылы алып, ауыз арқылы шығаруды жалғастырыңыз – әдеттегіден екі есе баяу болсын.
4. Енді өзіңіздің дем алысыңыз бен дем шығаруыңызды санай бастаңыз («ішке тарту екі, үш... сыртқа шығару екі, үш») немесе демалу екпініне қарай («Мен тынышпын.… Маған жақсы» секілді) тыныштандыратын сөздерді қайталаңыз.
5. Тағы да бір рет мұрынмен терең дем алып, демді ауыздан шығарып, бойыңызды бос ұстаңыз.
Баяу демалу техникасын ұзақ нұсқада да (мысалы, медитация) және қысқа нұсқада да (күйзелісте, келіспеушілік пен дау кездерінде) пайдалана аласыз.

Сізге де ұнамды болуы мүмкін:

Кішкене үшкіл жаялықтар

Pampers Premium Care жөргектері

Pampers Premium Care – бүлдіршіннің терісін мінсіз күйде сақтауға көмектесетін өнімдік қасиеттерінің бірегей үйлесімі.